Mikið af mannkostum

30 ára fermingaafmæli... manni fannst það nú alveg nógu slæmt á sínum tíma að verða þrítugur, hvað þá að bæta heilum fjórtán árum við. En þegar öllu er á botninn hvolft þá venst þetta bara ótrúlega vel... þ.e. að eldast. Eitt af því skemmtilega við að eldast er að maður verður alltaf ríkari og ríkari af minningum. Fyrir mér voru árin  sem ég átti með ykkur mjög skemmtileg, þarna eignaðist maður vini fyrir lífstíð... steig sín fyrstu skref í átt að manni... með öllum þeim feil- og gæfusporum sem slík ganga kostar.

Ég  er ekki frá því að þetta sé einn al-þéttasti hópur sem komið hefur upp í Keflavík og er það ekkert bara útaf Halla Dean og Gunna Palla... heldur vegna hinna miklu mannkosta sem í hópnum er að finna. Það er sama hvert litið er, við eigum mikið af afbragðs fólki.

Það sem sameinar okkur er gleðin og sorgin... töpin og sigrarnir... pönkið og diskóið. Það er mín tilfinning að taugin til þessa hóps verði alltaf sterkari og sterkari eftir því sem árin líða. Mínar skemmtilegust stundir eru með mínum æskuvinum, hlakka til að sjá ykkur gott fólk, ég mun mæta sprækur þann 18. apríl... Hvað varðar myndir þá hef ég grun um að þær hafi lent í ruslinu í einni tiltektinni. En mér sýnist aðrir vera að standa sig býsna vel í þeim efnum. Ég vill þakka Halla Dean og nefndinni fyrir að taka þetta vandasama  verk að sér... vel að verki staðið.

Gunni Odds

Athugasemdir

[Sigurlaug Hauks (IP-tala skráð) 4.3.2009 kl. 13:33]

Þar hittirðu naglann á höfuðið Gunni, þetta er einstaklega glæsilegur hópur prýddur miklum mannkostum.

Þið sem standið að undirbúningi þessa hittings eigið hrós skilið. Ekkert smá flott!!!!! Svo ég tali nú ekki um hversu skemmtilegt er að sjá allar þessar gömlu myndir góð viðbót við blogg-rúntinn

kv

Sigurlaug H